Ҷуфтҳои беникоҳ метавонанд дар меҳмонхона ҳуҷра гирнад

ОСИЁИ МАРКАЗӢ, Узбекистон, ХАБАРИ ТОЗА, ҲУҚУҚ

Президенти Узбекистон Шавкат Мирзиёев фармонеро имзо кард, ки дар дар баробари масоили дигар ба ҷуфтҳои беникоҳ иҷозат медиҳад, ки дар ҳуҷраи меҳмонхона якҷо бошанд.

Биноба амри президент, ки онро Хабаргузории давлатии Узбекистон нашр кард, ҳадаф таъмини «ҳарими хусусӣ»-и ҷуфтҳои беникоҳ аст.

http://uza.uz/uz/documents/o-zbekiston-respublikasida-turizmni-jadal-rivojlantirishga-o-05-01-2019

«Меҳмонхонаҳо бояд сарфи назар аз суроғаи доимии муштариҳо, шарҳвандӣ ё муносибати ҷуфтҳо боякдигар ба онҳо хизмат расонанд»,- омадааст дар фармони президент.

Фармони президент бар иловаи рӯйхати мавҷуда, ҳамчунин сафари бидуни визаи шарҳвандони чандин кишвари дигарро кафолат медиҳад.

Феълан Узбекистан ба шаҳрвандони Фаронса, Туркия, Исроил, Индонезия, Кореяи Ҷанубӣ, Малайзия, Сингапур, Ҷопон, ва бисёр кишварҳои Шӯравии пешин сафари бераводид пешниҳод мекунад.

Узбакистон ҳамчунин гуфтааст, ки сар аз моҳи феврал ба шаҳрвандони Олмон, Британия, Ирландия ва якчанд кишвари узви Иттиҳоди Аврупо раводиди 30-рӯзаи туристӣ медиҳад.

Шавкат Мирзиёев, ки соли 2016, баъди марги президенти худкома Ислом Каримов ба қудрат расид, барномаи ислоҳотро эълон кардааст, ки Узбекистонро ба рӯи ҷомеаи ҷаҳонӣ боз мекунад.


Поделиться новостью в социальных сетях:

Leave a Reply