• Mardon
  • 11.06.2019
  • 0

Дар Ховари Миёна ҳудуди 3 ҳазор ӯзбекистонӣ боқӣ мондаанд

Усмонхон Алимов, раиси Идораи мусалмонони Ӯзбекистон дар суҳбат бо телевизионҳои маҳаллӣ гуфт, дар минтақаҳои низои Ховари Миёна қариб 3 ҳазор ӯзбекистонӣ ҳузур доранд ва онҳо ба ватан оварда хоҳанд шуд.

Ҳукумати Ӯзбекистон 30 май хабар дод, ки аз Шарқи Наздик 156 зодаи Ӯзбекистон бо ҳавопаймои махсус ба кишвар оварда шудааст. Мақомоти Ӯзбекистон гуфтанд, амалиёти наҷотдиҳӣ идома мекунад.

Имрӯзҳо телевизионҳои Ӯзбекистон бо касоне мусоҳиба анҷом медиҳанд, ки аз Сурия баргаштаанд. Занҳои баргашта мегӯянд, бо роҳи фиреб ва иҷбори шавҳарону бародарон ва ё фарзандонашон ба онҷо рафта буданд.

Ба иттилои мавҷуда, танҳо дар як урдугоҳи Ал-Холи Сурия аз 150 то 500 шаҳрванди Ӯзбекистон ҳузур дорад.

Поделиться новостью с друзьями:


Назари худро нависед

Ваш e-mail не будет опубликован.

App Banner