Номҳои нави медалдорони тоҷик дар пауэрлифтинг

ВАРЗИШ ВА САЙЁҲӢ, ХАБАРИ ТОЗА, ҶАҲОН

Дар шаҳри Маскав фестивали байналмилалии хурди варзишӣ “Sarychev Power Expo ” оид ба намудҳои варзиши вазнбардорӣ ва чемпионати кушоди Аврупо баргузор гардид. Дар ин мусобиқаҳо намояндагони Ҷумҳурии Тоҷикистон ширкат варзиданд. Маҳмадалӣ Мирзоев соҳиби ду медали тилло гашта, унвони чемпиони Аврупоро соҳиб шуд. Шоҳрух Шарипов, ки зода ва истиқоматкунадаи ноҳияи Ҳисор аст, соҳиби ду медали тилло ва Толибҷон Тешабоев дар рақобати пауэрлифтинг, соҳиби  ҷоизаи тиллоӣ гардиданд.

Қаблан соли равон  чепионати Осиё оид ба пауэрлифтинг, ки дар Ҳиндустон баргузор гардид,  варзишгари ботаҷриба Хайриддин Ризоев чемпиони қора эътироф шуд . Варзишгари дигари тоҷик Шокир Раҷабов баҳри дарёфти  Ҷоми  Аврупо, ки дар шаҳри Екатеринбурги Русия гузашт, дар вазни беш 125 кг бо натиҷаи 335 кг ғолиби мусобиқа гардид.

Инчунин Парвиз Одинаев дар  вазнбардории пуштакӣ бо вазни 82, 5 кг дастболо шуд. Муҳамадалӣ Мирзоев дар байни ҷавонон ду медали тилло ба даст овард. Мустафо Абдуев медалҳои тилло ва нуқраро ба гардан овехт.

Ин варзишгаронро  2-юми май дар фурудгоҳи Душанбе намояндагони Кумитаи кор бо ҷавонон ва варзиш,  рӯзноманигорон ва устодони варзишу аҳли оилаашон бо гулу гулдастаҳ пешвоз гирифтанд.


Поделиться новостью в социальных сетях:

Leave a Reply