Фонди «Пешвои миллат» таъсис ёфт

ИҚТИСОД, ТОҶИКИСТОН, ХАБАРИ ТОЗА

Дар Тоҷикистон Фонди «Пешвои миллат» таъсис ёфт, ки баъди аз қудрат рафтани президент Эмомалӣ Раҳмон ба фаъолият оғоз мекунад ва аз ҷумла аз ҳисоби буҷети давлат сармоягузорӣ мешавад. Ин тарҳро порлумон рӯзи 19-уми апрел тасвиб кард.

Вакилони Маҷлиси намояндагон гуфтанд, ки бар асоси ислоҳи қонуни молия, баъди аз мақомаш рафтани раиси ҷумҳур ҳамасола ба Фонди «Пешвои миллат» 0,2 дарсади пули буҷет равона хоҳад шуд. Барои намуна, имсол буҷети Тоҷикистон тақрибан дуюним миллиард доллар (21 миллиард сомонӣ) таъйин шудааст. Пас, бояд солона ба фонди «Пешвои миллат» беш аз 4 миллион доллар интиқол ёбад. Ин рақам вобаста ба ҳаҷми буҷет каму беш хоҳад шуд.

Маблағи Фонди “Пешвои миллат” барои корҳои хайриявӣ харҷ хоҳад шуд. Фонди “Пешвои миллат” танҳо ба Пешвои миллат тааллуқ дорад.

Соли 2016 қонун дар бораи “Асосгузори сулҳу ваҳдати миллӣ-Пешвои миллат” қабул шуд, ки ба Эмомалӣ Раҳмон иҷоза медиҳад, барои як умр шахси аввали Тоҷикистон бимонад.

Қаблан вакилони Маҷлиси намояндагон гуфтанд, ки Фонди “Пешвои миллат” бар асоси тарҳи нави қонуни конститутсионии Тоҷикистон «Дар бораи Асосгузори сулҳу ваҳдати миллӣ — Пешвои миллат» таъсис меёбад.


Поделиться новостью в социальных сетях:

Одна комментария к “Фонди «Пешвои миллат» таъсис ёфт

  • Барои хизматхои шоиста, созандагию давлатдории намунави, ташкили инфрасохторхои кудрати, армия, забон, аз нав тархрезии урфу одат, расму оини халк, номаш бояд абади монад, ва дар таьрих бе гуфти Ману Шумо хам мемонад!!!

Leave a Reply