Ислом Саломов даргузашт

СУҒД, ТОҶИКИСТОН, ФАРҲАНГ ВА АДАБ, ХАБАРИ ТОЗА

Ислом Саломов, ҳунарвари театр ва синамо, бунёдгузор ва саркоргардони Театри давлатии ҷавонон дар маркази вилояти Суғд дар синни 78-солагӣ бар асари бемории тӯлонии фишорбаландӣ даргузашт. Ба гуфтаи пайвандонаш, ӯ шоми рӯзи гузаштаи 10-уми май дар манзилаш, дар шаҳри Хуҷанд дар канори ҳамсараш ҳунарвари маъруф Сайрам Исоева ва писараш Баҳодур ҷон додааст.

Ислом Саломов 78 сол қабл дар деҳаи Камодони ноҳияи Кӯҳистони Мастчоҳ таваллуд шудааст. Хатмкардаи омӯзишгоҳи мусиқии Хуҷанд, Донишкадаи осиёимиёнагии театр ва кино дар Тошканд, давраи 2-солаи омӯзишӣ дар театри Маскав буд.

Ӯ 47 сол ба ҳайси саркоргардони театрҳои мазҳакаи мусиқии ба номи Камоли Хуҷандӣ ва Театри давлатии ҷавонон фаъолият кардааст. Ислом Саломов соли 1998 театри тамошобини ҷавонро дар шаҳри Хуҷанд таъсис дод ва то охири умр саркоргардони ин театр буд.


Поделиться новостью в социальных сетях:

Leave a Reply