• Mardon
  • 26.07.2019
  • 0

Нархи қатори масири Тошканду Алмато коҳиш меёбад

«Ӯзбекистон темир йулларӣ» ва «Қазоқистон темир жолӣ» ба созиш расиданд, ки нархи билети қатори баландсуръати «Тулпар – Талго»-ро поин баранд, ки дар масири «Тошканд – Алмато – Тошканд» ҳаракат мекунад.

Ба иттилои расонаҳои ӯзбекӣ, мусофирон аз 1 августи соли равон метавонанд билетҳоро бо нархи арзон бихаранд. Барои намуна, агар билет панҷ рӯз пеш харидорӣ шавад, нархи он 25% арзон хоҳад буд.

Тавре хадамоти матбуотии «Ӯзбекистон темир йулларӣ» иттилоъ дод, ширкат тасмим дорад, дар ояндаи наздик бори дигар поин бурдани нархи билетҳои «Тулпар – Талго» -ро баррасӣ кунад.

Қатори байналмилалии мусофирбари «Тулпар – Талго» дар масири мазкур моҳи марти соли 2017 ба ҳаракат даромад. Маросими ифтитоҳияи ин масир дар истгоҳи Алмато-2 пеш аз сафари президенти Ӯзбекистон Шавкат Мирзиёев ба Қазоқистон баргузор шуд.

Поделиться новостью с друзьями:


Назари худро нависед

Ваш e-mail не будет опубликован.

App Banner