Рӯзнома зиёд, "Тоҷикистон" яктост!

Орди мағорбаста дар фурӯшгоҳҳои Ишқобод

Сокинони шаҳри Ишқобод, пойтахти Туркманистон аз сифати орде, ки фурӯшгоҳҳои давлатӣ ба онҳо пешниҳод мекунанд, шикоят доранд.

«Ҳамсояам аз фурӯшгоҳи давлатӣ як халта орди 50-килоӣ харид ва вақте онро кушоданд, пурра мағор баста, бӯйи баде ҳам мекардааст. Халтаи ордро ба фурӯшгоҳ баргардонданд, вале фурӯшандаҳо онро бозпас нагирифтаанд», — гуфтааст як сокини Ишқобод.

Фурӯшгоҳҳои давлатии Туркманистон ордро нисбат ба фурӯшгоҳҳои хусусӣ хеле арзон мефурӯшанд. Як халта орди 50-килоӣ дар фурӯшгоҳҳои давлатӣ 50 манат арзиш дорад. ( қурби расмӣ: 1 доллар 3,5 манат аст).

Гуфта мешавад дар фурӯшгоҳҳои давлатии Ишқобод орди корхонаи маҳалӣ пешинҳод мешавад. Ин корхона ба ширкати давлатии «Туркмангаллаонумлерӣ» тааллуқ дорад.

Шарҳ

Аввалин шуда шарҳи худро гузоред!

Ваш e-mail не будет опубликован.