• Шаҳло НИЁЗОВА
  • 06.03.2019
  • 0

Тест: Шумо то кадом андоза хаста шудаед?

иХ


Ҳама кор, ҳатто кори табъи дил ҳам инсонро хаста месозад. Одам, агар реҷаи истироҳату меҳнатро риоя накунад ва кораш аз ҳад зиёд бошад, хоҳ-нохоҳ асабаш хароб мешавад. Он гоҳ, вой бар ҳолаш!

Ба суолҳои санҷишнома ҷавоб гуфта, фаҳмидан мумкин аст, ки то кадом андоза шумо хаста шудаед ва барои барқарор сохтани қувваи руҳиву ҷисмонӣ бароятон чӣ қадар вақт лозим аст. Фақат ба саволҳо  ростқавлона ҷавоби «бале» ё «не» диҳед. Барои ҳар як ҷавоби «ҳа» ба худ 2 хол ва барои ҷавоби «не» 0 хол монед, он гоҳ мефаҳмед, ки шумо то кадом андоза хаста шудаед ва ба истироҳат ниёз доред.

  1. Вақтҳои охир нисфирӯзӣ хастагиро эҳсос мекунед?
  2. Шумо бо душворӣ хоб меравед?
  3. Хобатон ноором гаштааст?
  4. Дар ҷойи кор аксаран корҳоятон нотамом мемонанд?
  5. Баъди кор хастагиро баръало эҳсос мекунед?
  6. Вақтҳои охир аз бисёр чизҳо хушҳол намешавед?
  7. Ба муносибатҳои маҳрамона чандон майл надоред?
  8. Аз камбудиҳои рӯзгор асабатон хароб мешавад?
  9. Субҳгоҳон худро хаста эҳсос мекунед?
  10.  Рӯзона ҳам баъзан хоболуд мешавед?
  11.  Вақти иҷрои корҳои хона ҳама чиз аз дастатон меафтад?
  12.  Фикру андешаҳои худро ҷамъ карда наметавонед?
  13.  Фаромӯшхотир шудаед?
  14.  Дар ду рӯзи истироҳат хастагии якҳафтаинаатон намебарояд?
  15.  Шавқатон ба кор кам шудааст?
  16.  Аз ноҷӯриҳои боду ҳаво нофор мешавед?
  17.  Асабониятатон зиёд гаштааст?
  18.  Орзуи ба ягон ҷазираи беодам рафтанро доред?

Холҳоро ҷамъ карда, бо натиҷаи

санҷишнома шинос шавед

0-5 хол

 Агар то 5 хол гирифта бошед, ин маънои онро дорад, ки шумо ҷисману руҳан бардам ҳастед ва ба саломатиятон зараре таҳдид намекунад. Шодикафак шуда, бо қувваи дучанд ба кор начаспед. Ҳар сол дар вақташ рухсатии меҳнатӣ гирифта, дам гиред, то ҳамеша бардаму бақувват монед.    

6-20 хол

А 6 то 20 хол маънои онро дорад, ки аллакай дар вуҷуди шумо нишонаҳои аввалини хастагӣ пайдо шудаанд. Ҳарчи зудтар истироҳат намоед. Имкони пурра истифода бурдани рухсатии меҳнатиатонро надошта бошед, зуд-зуд ба сайри боғу чаман бароед.

20-35 хол

Ин нишондод аз он гувоҳӣ медиҳад, ки сахт хаста шудаед. Шуморо лозим аст, ки фавран рухсатии меҳнатӣ гирифта, нағзакак дам бигиред, то қувваи ҷисмонию руҳиатон аз нав барқарор шавад. Якравӣ карда, бо ҷисму ҷони хаста, худро зӯран ба кор бахшидан гиред, аз по афтиданатон имкон дорад. Он вақт ба ҷуз мутахассисони соҳаи тиб дигар касею чизе ба шумо кӯмак расонида наметавонанд.

Поделиться новостью с друзьями:


Назари худро нависед

Ваш e-mail не будет опубликован.

concert
App Banner