Рӯзнома зиёд, "Тоҷикистон" яктост!

Авбошии ҷавони 20-сола дар Душанбе

Бино ба иттилои ВКД рӯзи гузашта ба ШВКД-2 дар ноҳияи Шоҳмансур марди 34-солаи сокини кӯчаи Н.Махсуми шаҳри Душанбе бо аризаи шикоятӣ муроҷиат намудааст.

Дар ин нома таъкид шудааст, ки дар санаи 22-юми ноябри соли 2019, тахминан соати 22:50-дақиқа, дар кӯчаи С.Айнии пойтахт шахси номаълум аз ҳиссиёти авбошӣ ӯро лату кӯб намуда, бо олоти халандаю бурранда 1-маротиба ба қафаси синааш зада, аз ҷойи ҳодиса ғайб задааст. 

Дар натиҷа, ҷабрдида ҷароҳати ҷисмонӣ бардошта, дар беморхона бистарӣ шудааст.

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 20-солаи сокини кӯчаи Айнӣ бо гумони авбошӣ дастгир карда шуда, аз рӯи ин ҳодиса тафтишот идома дорад.

Шарҳ

Аввалин шуда шарҳи худро гузоред!

Ваш e-mail не будет опубликован.