Рӯзнома зиёд, "Тоҷикистон" яктост!

Муноқишаи ноболиғон бо кордзанӣ анҷом ёфт

Дар шаҳри Хуҷанд хонандаи синфи 9-уми мактаби хусусӣ бо ноболиғ, писарбачаи ҳамсоли худ вохӯрда, аз сабаби муноқишаи ба миён омада, бо корд 1-маротиба ба шикамаш задааст. Дар ин бора дафтари матбуоти Вазорати корҳои дохилӣ хабар медиҳад.

Бино ба иттилои манбаъ, рӯзи 26-уми ноябри соли 2019, тахминан 16:30-дақиқа, ноболиғ, писарбачаи 15-солаи сокини шаҳри Хуҷанд, хонандаи синфи 9-уми мактаби хусусӣ, дар маҳаллаи 18-уми шаҳри Хуҷанд бо ноболиғ, писарбачаи ҳамсоли худ, вохӯрда, аз сабаби муноқишаи ба миён омада, бо ӯ ҷангу ҷанҷол намуда бо корд 1-маротиба ба шикамаш задааст.

“Дар натиҷа, ноболиғи мазкур ҷароҳати вазнини ҷисмонӣ бардошта, дар беморхона бистарӣ гаштааст”, — омадааст дар иттилоия.

Кордкашии ноболиғон дар ҳолест, ки ВКД Тоҷикистон миёни ҷавонону ноболиғон барои пешгирӣ аз чунин ҳодисаҳои нангин амалиёти шартии «Корд» – ро пиёда намудааст ва давоми чанд моҳи ахир аз ҷониби кормандони ин раёсат чандин адад силоҳҳои сард аз толибилмон ва ҷавонон дарёфт ва мусодира карда шуд. 

Шарҳ

Барои ин мақола 1 шарҳ ҳаст
  1. Minhojiddin 02.12.2019 00:39

    Zero dar rayosati taəlimgohho onhoeand, ki soate ham dars nadodaand. 4 soat ba po rost naistodaand. Shabho konspekt nanavistaand va vazifai xonagi taftish nakardaand.

Ваш e-mail не будет опубликован.