• Бахтовар Сафаров
  • 31.05.2019
  • 0

Сафаре ба олами мошинҳои нодир

Рӯзи 14 сентябр дар пойтахти кишвар «Авто-ретро Душанбе», ҳаштумин фестивал-намоишгоҳи «мошинҳои нодир» -мошинҳои нодиру эксклюзивӣ баргузор хоҳад шуд. Дар ин замина қарори раиси шаҳри Душанбе Рустами Эмомалӣ ба тасвиб расид.

Дар Намоишгоҳи мазкур мошинҳои қадимии истеҳсоли Иттиҳоди Шӯравӣ, Аврупо ва Амрико, ки беш аз 30 сол пеш истеҳсол шудаанд, ба маърази тамошо гузошта мешаванд.

Дар Ғарб чунин намоишгоҳҳо-фестивалҳоро «олдтаймер-галлерея» меноманд. «Олдтаймер» калимаи англисӣ буда, «қадима, мошини нодир» тарҷума мешавад ва одатан мошинҳоеро, ки беш аз 30 сол пеш истеҳсол шудаанд, ифода мекунад.

«Меҳмонони «Авто-ретро Душанбе» метавонанд аз тамошои ретро-мошинҳои нодир ва тамошобоби тамғаҳои «Победа», «Москвич», «Волга», «Запорожец», «Лада», «Volkswagen», «Ford», «Chevrolet», «Pontiac» ва албатта, «Mercedes-Benz», ки дар Ғарб рамзи асосии ҳаракати дӯстдорони олдтаймерҳо маҳсуб мешавад, ҳаловат баранд”-хабар додааст хабаргузории “Ховар”.

Нахустин ретро-намоишгоҳи мошинҳо дар Душанбе моҳи апрели соли 2013 баргузор шуда буд.

Поделиться новостью с друзьями:


Назари худро нависед

Ваш e-mail не будет опубликован.

App Banner