• Mardon
  • 05.08.2019
  • 0

Дар Техас ва Огайои Амрико даҳҳо кас кушта шуд

Дар натиҷаи ду ҳамлаи мусаллаҳона дар иёлотҳои Техас ва Огайои ИМА 29 кас кушта ва даҳҳо тани дигар захмӣ шудаанд.

Президенти ИМА Доналд Трамп рӯзи якшанбе дастур дод, ки ба хотири қурбониёни ин тирпарониҳо парчами ин кишвар дар Кохи сафед ва ниҳодҳои давлатӣ поин оварда шавад.

Телевизиони CBS бо истинод ба иттилои пулис хабар дод, ки дар натиҷаи тирпаронӣ дар боғи Чикаго 7 кас захмӣ шуданд. Шахси ношиносе дар майдони кӯдакони боғ тирпаронӣ ва аз ҷои ҳодиса фирор кардааст. Ба иттилои CBS, рӯзи ҷумъаи гузашта ду модари ҷавон — 25 ва 35-сола, узви ташкилоти ҷамъиятии «Модарон зидди кушторҳои беасос»-ро дар ҷануби Чикаго паронданд. Пулис мегӯяд, занон тасодуфан ҳадафи гулӯла қарор гирифтаанд.

Ба иттилои NPR, чанд соат пеш аз ин ҳодиса шахси ношинос дар минтақаи Дейтони иёлати Огайо 9 касро ба қатл расонда, 27 тани дигарро захмӣ кард. Пулис ҳамлагарро парондааст. Ба иттилои пулис, ҳамлагар Коннор Беттси 24-сола ба танҳоӣ амал карда, ангезаҳои даст задани ӯ ба ин кор ҳанӯз маълум нест.

Дар Эл-Пасои иёлати Техас рӯзи шанбе ҷавони мусаллаҳе ба фурӯшгоҳи «Walmart» ҳамла кард, ки 20 кушта ва ҳудуди 30 захмӣ бар ҷой гузошт. SkyNews хабар дод, ки ҳамлагари 21-сола худро ба пулис таслим кард.

Бино ба иттилои «Садои Амрико», тирпарониҳои Эл-Пасо ва Дейтон 21 ва 22-умин куштори дастаҷамъӣ аз аввали соли равон ба ҳисоб мераванд.

Поделиться новостью с друзьями:


Назари худро нависед

Ваш e-mail не будет опубликован.

App Banner